يارب كل ما برفع إيدي بدعيلك / الشاعر محمد الليثي

يارب

كل مابرفع إيدي ادعيلك
الاقيك بتسبق دعوتي بإيجاب
أنا لسه واقف نفسي امشيلك
وأنت الطرق والحل والأبواب

تسمح يارب ترد روحي إليك
ناديت لكل الخلق ونسيت أنادي عليك
اقبلها مني يارب الأمر ملك إيديك
أشدد بأزري التوبه يا تواب

لو بس ترضى إني أزور السما
أنا عيني شايفه وقلبي صابه العمى
برمي الجراح في النار ولا أنا اللي اترمى
خايف اشوف جنتك والجسد في عذاب

ليه قبل ما ارفع إيدي ادعيلك
الاقيك بتسبق دعوتي بإيجاب
دا أنا لسه واقف نفسي امشيلك
وأنت الطرق والحل والأبواب.