ضابط في حياتي - حلقة ١١
الصدمة الجمت شهد !! ظلت صامتة لا تدري ماذا تفعل !! اتخبرة بأن خطبة سلمي بعد ايام قليلة و تحطم قلبة للمرة الثانية !! ام تلتزم الصمت ، لكنه سوف يعلم لا محالة !!
طال صمتها ..
آسر بقلق : ايه يا شهد ! هو في حاجه ؟!!
شهد بارتباك : ها لاا ، ابدا مفيش مفيش !!!
آسر : مااالك يا بنتي في ايه ؟!!!
شهد : مفيش انا بس اتفاجأت يعني
آسر بابتسامة : بس مفاجأة حلوة مش كدا ؟؟؟
نظرت له و للابتسامة علي ثغرة و التي لم تراها منذ وقت بعيد و كادت ان تدمع عيناها مشفقة علي حالة عندما يعلم بخطبة سلمي ، لكنها حاولت التماسك و قالت بابتسامة مصطنعة : اه طبعا ، انا رايحة اكلم محمد عشان اتصل بيا و مسمعتش الموبايل
و فرت من امامة مسرعة !!
______________________________________
كان محمد نائما عندما اتاه اتصالا من شهد
محمد بصوت نائم : الوو
شهد : ايوة يا محمد
محمد بقلق و هو يعتدل في الفراش : ايه دا مال صوتك ؟؟؟؟!
شهد : مصيبة يا محمد مصيبة !!
محمد : في اية قووولي بسرعة وقعتي قلبي !!
شهد : آسر
محمد بنفاذ صبر : ماااله ؟؟؟!
شهد : بيحب سلمي
محمد بعدم استيعاب : سلمي مين ؟!!
شهد ببكاء : سلمي صحبتي
محمد بذهول : سلمي سلمي !!!! انتي مش قولتيلي خطوبتها بعد اسبوعين ؟!!!
شهد : ايوة ، ما انا قولتلك و مقولتلوش علي اعتبار ان الموضوع مش هيهمه يعني و مجتش فرصة اقوله اصلا
محمد : هو قالك ايه بالضبط ؟؟
شهد : هو من ساعة ما رجعتوا من اسكندرية و هو مبسوط اووي ، سألتوا قالي انوا قرر يرتبط
فرحت اوووووي و سألتة مين قالي سلمي !!!
هو مقالكش حاجة ؟؟
محمد : ولا جابلي سيرة !!
طب انتي قولتيلوا ايه ؟!!!
شهد : مقدرتش اقولوا حااجة مقدرتش ، انت لو تشوف السعادة اللي كان فيها و هو بيتكلم دي عنية كانت بتلمع من الفرحة !! مقدرتش انطق ب اي كلمة !! مقدرتش اكسر قلبه للمرة التانية !! ثم تابعت ببكاء : انا مش عارفة لييييه بس بيحصله كدااا ، دا احنا اما صدقنا انه بقا كويس
محمد : لا حول ولا قوه الا بالله
اهدي طيب انا هتصرف
شهد : هتقولوا يعني ؟؟
محمد : زفر بضيق ثم..
اكيد ما هو لازم يعرف .. مع اني والله مش عارف هقوله ازاي ؟!! بس لازم يعرف عشان ميفضلش معلق نفسه بيها اكتر من كدا
بس انا اللي هيجنني انه كان بيعامل سلمي وحش اووي و كنت بحس انه بيكرها بدون سبب كدا !! و لما ربنا هداه بقا بيتجنبها و بطل يضايقها ، بس متخيلتش لحظة ان الموضوع ممكن يقلب ب حب ابدا !!!!
شهد : ولا انا كمان ، عمري ما حسيت انها ف دماغة اصلا !!!
محمد : يا رب يعدي الموضوع دا علي خير
______________________________________
الووو
ايوة يا مازن
مازن : عاملة ايه ؟؟؟
سلمي : تماام الحمدلله
مازن : بقولك ايه هعدي عليكي و نخرج نتغدا برة .. ايه رأيك ؟؟
سلمي : لا مش هينفع
مازن : ليه ؟؟!
سلمي : عشان انا رايحه عند شهد صاحبتي ، بقالي كام يوم بكلمها و مش بترد عليا او قافلة الموبايل قلقانة عليها اوي ، هروحلها البيت
مازن : و انتي كنتي ناوية تروحي من غير ما تقوليلي ؟!
سلمي : ايه يا مازن شايفني لسه روحت ؟؟؟؟! و بعدين انا مش المفروض اني اقولك اصلا انا رايحه فين و جايه منين انت لسة مبقتش خطيبي حتي !!!
مازن : خلاص و اهي كلها كام يوم و هبقي خطيبك و بعدين انا مش عايزك تقوليلي تطفل ، انا عاوز اطمن عليكي بس ، عموما خلاص مش مشكلة نخليها بكرة
بس اول ما ترجعي كلميني ، اووك
سلمي : اووك .. باي
______________________________________
في السيارة بعد العمل..
آسر : انا مش عااااارف انت و شهد مالكوا ؟!! عمالين تقولولي آجل موضوع سلمي ليه ؟!! شهد لا عاوزاني اكلمها ولا عاوزة هي تكلمها حتي مش فاهم في ايه ؟!!! و انت كل ما اكلمك تقولي اصبر اصبررر
محمد بتوتر : يا ابني مالك بس انت مستعجل كدا ليه ؟!!
آسر بغضب : مستعجل اييييه كل دا و تقولي مستعجل ؟!!! دا احنا داخلين ف اسبوع اهو و انا لسة مخدتش اي خطوة !!!!
محمد : طيب احنا قربنا نوصل البيت اهو ، ممكن تروح دلوقتي و بليل هجيلك نخرج ف اي حتة و نتكلم ف الموضوع دا ؟؟؟
آسر بقلق : انتوا مخبيين عليا حاجة يا محمد ، صح ؟؟؟!
محمد بتوتر : اصبر يا آسر و بليل هنتكلم
آسر بغضب : ماااشي يا محمد ماشي هصبر لبليل بس والله العظيم لو ما اتكلمت بليل و فهمتني في ايه لا....
قاطعة محمد : اهدي بسس صدقني بليل هتعرف كل حاجة
آسر بترقب : طب هي شهد كلمتها و قالتلها انها مش موافقة و انتوا خايفين تقولولي ؟؟!
محمد بنفاذ صبر : لاااء يا آسر مش كدااا ، اصبر لبلييل بقااا
و اتفضل يلا البيت اهوو
زفر بضيق و ترجل من السيارة
هاتق محمد شهد سريعا
(ردي بقااا يا شهد ردي )
الووو
ايوة يا شهد
اسمعيني آسر طالعلك البيت دلوقتي انا لسة مقلتلوش اي حاجة علي موضوع سلمي دا
يوووووة يا شهد مش قااادر اقوله
بس هو مش راضي يصبر اصلا خلاص بليل هفهمه قبل ما تحصل اي حاجة و يعرف من اي حد و تبقي مصيبة ، لو حاول بس دلوقتي يعرف منك اي حاجة اوعي تقوليلوا انتي، سبيهولي و انا بليل ربنا معايا و معاة بقا و هقولة
ربنا يستر
سلام
______________________________________
ايه دا انتي رايحه فين؟؟
سلمي : رايحه لشهد ، انا قولت ل ماما
حسام : طب استني انا كدا كدا نازل هوصلك ف طريقي ، هعمل تليفون مهم 10 دقائق بس
سلمي : اوك
______________________________________
بعد الغداء..
تجلس شهد تشاهد التلفاز ، يجلس آسر بجوارها في هدوء
شهد : انت مالك بتبصلي كدا ليه ؟!!
آسر : مخبيه عليا ايه يا شهد ؟؟!
شهد بارتباك : مش مخبيه عليك حاجة يا آسر..
قطع حديثهم صوت جرس الباب
قام اسر ليفتح
وجدها سلمي
نظر اليها و ابتسم ابتسامة واسعة
وووو..
سلمي ازيك ؟؟؟
سلمي : تمام الحمدلله ، هي فين الندلة اختك ؟؟؟
آسر بضحك : ندلة لية بس
سلمي : سيباني كدا اعمل تحضيرات الخطوبة كلها لوحدي و يا مش بترد عليا يا موبايلها مقفول
آسر باستغراب : خطوبة ايه ؟!!
....
شهد و التي استغربت تأخير آسر
فقامت من مجلسها
توجهت نحو الباب
شهد : مين يا آسر...
في نفس تلك اللحظة قالت سلمي لآسر
خطوبتي !!!!!!!
