حب الطفولة اصدق من حب الشباب

نقول الأول يعني ايه حب المفروض انه احساس وشعور بين اي اتنين شعور ملهوش وصف او شرح حاجه كدا ملهاش تفسير بس حلو احساس حلو ذي اللي بيجرب المخدرات او الخمره لأول مرة بيكون منتشي وسعيد علي غير عادته شايف الدنيا بمبي علي رأي سعاد حسني لحد ما هوب ياخد الكف المحترم علي قفاه يلقي الحب كدبه او خلينا نقول وهم وهم حلو مش حقيقه . زمان أيام المدرسة والمرهقه كنا متخيلين ان الحب هو زميلي يبص عليا من بعيد وهو فاكر نفسه مفيش حد شايفه يبتسم فالقي نفسي طايره من الفرح ولا لما البس شيك وياخد باله ويبص ويغمز اعرف انه اخد باله ولا لما تيجي فرصه واقعد جنبه في الدرس او في باص المدرسة احس اني عايزه ساعات الدنيا توقف وخلاص مش عايزه حاجه تانيه من الدنيا ويا سلام لو لمس ايدي من غير قصد بحس بالرعشه وقلبي يدق جامد زي مايكون هيصرخ ويقوله يحبك ولو شفت واحدة واقفه معه ابقي عايزه اجيبها من شعرها ولما قلي يحبك حاسيت ان الدنيا بتلف وتدور واغاني عبد الحليم تشتغل وليلي مراد يا سيدي علي ليلي مراد لما كانت تقول الحب جميل للي عايش فيه له ألف دليل اسألوني اسألوني اسألوني عليه جميلة الست ليلي . لحد وقت معين تلقي نفسك انتي في مكان وهو في مكان وكل شئ انتهي وتدخلي برجلك اليمين أرض الواقع وتلقي الواقع بيطلعلك لسانه بيقولك ضحت عليكي وعليكي واحد ارجعي تفتكري ايام زمان وتضحكي علي نفسك وتقولي والله كان لعب عيال احب اقولك ان لعب العيال دا كان اصدق حب في حياتك عشان كان نضيف هو الحاجه اللي تفتكريها وتقولي لو ترجع ايام زمان عشان كل اللي جاي بللللللح نصيحه اخيره تفتكري أول حب حب الطفولة عشان مش هتلقي حب نضيف ولا قوي زيه افتكريه واتنفسي شويه حب صادق عشان الحب اللي جي بعده كدبه او مش حقيقي زي الحب الطفولي البرئ بتاع أول كل حاجه حلوه وجميله