تطوير الذات واستغلال الاجازة بطريقه صح
الاجازه كلها كام يوم و هتخلص ولسه مطورتش نفسك
يا ترى هتفضل كده لحد امتى 🤔
اوماال فين بهجت تانى خالص اللى قولت عليه 😹!
متقلقش لسه قدامك ايام برضوا تطور فيها ذاتك بس انت لازم تبدأ و متتأخرش تانى .
تعالى كده معايا اعرفك تعمل ايه و ايه اهم الحاجات 🚶♀
اولا الانجلش مهم جدا جدا فى الحياة و علشان كده لازم تنمى نفسك فيه
تعالى اعرفك تنمى نفسك كيف
1- اسمع كورسات ايا كانت اون لاين او اوف لاين ، متاح كتير كورسات على اليوتيوب و منها ذا اميركان انجلش هتفيدك جدا و طمان عندك تطبيقات كتيره تقدر تتعلم من عليها انجلش و تنمى اللغه بتاعتك و متنساش لازم تنمى نفسك فيه لأن الشغل او غيره بيكون محتاج انجلش ف لازم تنمى نفسك فيه .
2- اقرأ كتب بالانجلش القراءة حلوه جدا هتنمى عندك اللغه برضوا .
3- احفظ كلمات كتير … زيادة الكلمات عندك هيفيدك جدا .
ثانيا اقرأ كتب كتييير القراءة هتثقفك جدا جدا
اقرأ كتب فى التنميه البشريه و تطوير الذات و كتب دينيه و علميه و ثقافه على العموم هتفيدك جدا .
هقولك على كتاب اسمه حب القراءة ده اقرأه فى البدايه لو انت مش بتحب القراءه اوى او بتمل بسرعه ده هيفيدك ف انك اواى تحب القراءة و ايه الوسائل اللى تحببك فى القراءة ايا كان الشخص اللى هيقرأ طفل او بالغ .
و من الكتب دى
كتاب لغة الجسد ، كتاب فاتتنى صلاة ، كتاب كونى صحابيه ، كتاب الاب الغنى و الاب الفقير ، فن اللامبالاة ، اكستاسى ، مميز بالاصفر ، احترف التحدث والاقناع ……. الخ
ثالثا العب نصف ساعه رياضه يوميا هيفيدك جدا طبعا
ايا كان نوع الرياضه اللى هتلعبها هتفيد جسمك و عقلك كمان .
رابعا شارك فى اعمال تطوعيه و خلى عندك روح الفريق و اعمل اعمال خيريه 💗
من الجمعيات الخيريه اللى ممكن تطوع فيها و هى جمعية رساله للأعمال الخيرية موجوده فى كتيير من المحافظات اتطوع فيها و انزل اعمل عمل خيرى هتكسب ثواب و كمان هتكون اجتماعى اكتر لأنك هتتعرف على ناس جديده و تبدأ تتعاون و تتعامل معاهم .
خامسا خلى فيه وقت بسيط للترفيه برضوا اخرج خروجه حلوه ابسط نفسك بنفسك حتى مش لازم صحاب ما هو مش هيبقى كله جد جد خلى فيه وقت للترفيه 🌼
فى الختام
اتمنى تكون استفدت من المقال و لو استفدت ياريت تدعمنا و هنزلكم مقالات جديده و مفيده …. سلام 👋🌼