How to write a successful article ،ازاى تكتب مقاله تجيب مشاهدات عاليه وتربح منها فلوس
جذب اهتمام القُراء لمقالاتك بالتحديد لو انت كاتب محتوى جديد يعتبر من الامور الصعبه نسبيا ، فكم من مقاله تُنشر يوميا على مواقع الانترنت ؟
1مبدايا من اهم النقاط التى تعتبر بوابه لجذب انتباه القارئ وهو انك تضع عنوان بسيط يعلق ف الذهن وسهل قراءته من اول نظره
2تانى نقطه ومن اهمهم بالنسبه ليك وهو انك تختار الوضوع المناسب ف مكانه الصح ،يعنى خلينى اوضح :على سبيل المثال انا داخل موقع بيتكلم عن الكوره هتبدا تسال نفسك عن ايه اكتر حاجه الناس مهتمه عنها ف الكوره الفتره دى سواء ان كان ماتش مُعين او لعيب مُعين محبوب و عليه الضوء الفتره دى وابدا اكتب عنه بس معلومات تكون صحيحه وتفيد القارئ وف نفس ذات الوقت لا يكون الاف الناشرين قد كتبوا عنها بالفعل …
3 لو هحط موضوع ل تالت نقطه فهو كسب حب القارى لاسلوبك ، يُفضل انك تكتبك مقالاتك باللغه التى يتحدث بها الناس عامة يعنى خلينا مُتفقين ان اللى بيدخل يعمل بحث عن موضوع بيبقي عايز اسلوب سَلس وسهل مش الفاظ لغه عربيه تقيله وصعبه طبيعتنا نحب نقرا الحاجه السهله اللى احنا بنتكلم بيها عشان نفهمها اسرع ومنتعبش فى قرائتها
4 وتُعتبر اخر نقطه واكثرها تاثير وهى خاتمه مقالتك لازم تبقي مش تقليديه او انك تكتب نفس الكلام تانى بتاع الموضوع لا ، الصح هو انك تذكر القارئ باللى كتبته بطريقه مبسطه ومعادة الصياغه ومختصره عن الموضوع الاساسى وطبعا مننساش نحط صوره تجذب العين ده مهم والاكيد انها تكون تخُص او تتوافق مع الموضوع اللى هتكتب عنه ومننساش تجنُب الاخطاء الاملائيه .
وفوق كل النصايح دى كل واحد له طريقته الخاصه للكتابه اللى بتميزه عن باقى الاف الكُتاب وبيقدر انه يكسب حب الناس منها لان هى موجوده فيه فقط ،بس بلا تصنُع خاصا لو هتكتب عن موضوع يوصل للقلب لازم يتكتب من القلب وب احساس حقيقي
#لعبه الحياه
بكتب كل يوم حكمه او نصيحه ل ازاى تبقي حياتك احسن لو عاوز توصلك كل يوم رساله زى كدا تقدر تسيب كومنت وتعملى متابعه
