قصة"زهرة التوليب" _الجزء الثاني

*الـجـزء الـثـانـي.*

اركان قطع كلامه واطلع عليها ..
شاف عيونها ونظرتها ..

اخد الكاسة .. وكمل حديثو مع امه

واوفا راحت ضيفت عمر 
وطلعت من الصالون..

نجاح: اليوم رك يجو بيت عمك لعنا ..
اركان: اي يجو اهلا وسهلا .. صحي شو اخبارهم كيفو ابراهيم 
نجاح؛  مناح الحمدلله ..
ابراهيم عم يشتغل طول الوقت بالشركة 
وميديا خلصت جامعتها وهالسنة اخر سنة وبتتخرج ..

اركان: حلو  

طبعا عمر وسيلا طول الوقت عم  يطلعو ببعض ويعطو نظرات ..

بس عمر شب محترم واكابر 
ومزوق .. كان معجب ببنت من زمان 
بس خانتو .. ومن بعد هالشي 
صار ياسلى بالبنات .. ويضحك عليهم

يعني معروف ب النسونجي 
بس نسونجي محترم😂

واخيرا .. اركان حس ع حالو 
وعرف انو عندو ضيوف  ومو امو لحاله بالصالون ..

اركان: اي عمر طمني عنك 
شو عملت بغيابي ..
عمر: ولله شريك بتعرف اني طلعت من الجامعة بسبب ظروفي .. بس الحمدلله  
قدرت لاقي شغل .. واشتغلت بالمطعم ..
شيف

اركان:  لكان اللي عزيمة عندك .. 
عمر : اي ولو تكرم احلا عزيمة وجيب خالتي معك

بعد ساعة عمر راح ع شغله 
بعد ما ودعو عمر 
سيلا راحت ع غرفتها تشتغل شوي 
ونجاح راحت قعدت بالصالون عم تحكي مع سلفتها .. 
واركان فات اخد دوش  
وهو طالع .. 
شاف اوفا عم تشتغل بالمطبخ .. 
ف دخل لعندها ليزعجها شوي ..

اتجه ناح المجلة لياخد كاسة ويعبيها مي ..

اركان : بعديلي .. 
اوفا؛ ....
بعدتت بصمت ..

شرب الكاسة وهو ماشي 
الارض كان مبلول ف  اتزحلق ووقع  ..

اوفا ضلت بمكانها مصدومة ..
(ما عملت شي )

قطع افكارها 
اركان معصب: تعييي ساعديني ..

اوفا ارتعبت من صوته ..
راحت بسرعة مسكت ايده 
اوفا؛sorry

قام اركان عم يطلع ع تيابه كلو مي  ومبلل..
اوفا كانت عم تحبس ضحكتها..

اركان ؛ اوووف لك كلو منك ..
اوفا: انا باتزر(بعتزر) 
اركان: هش هش لك حتى لهجتك  بدا ساعة لحتى افهم منك كلمة..
اوفا : انا ما عملت شي ..  اذا انت يريد شي خبر انا .. انا يجبلك كلشي ..
اركان: لكان لازم انت يجيب مي جديد ل انا 
اوفا : ليش انت عم يحكي متل انا؟ 
اركان: انا يحاول يفهم انت ..
اوفا هون عرفت انو عم يتمسخر عليها ..

اوفا: .... 
اركان؛ رايح بدل تيابي ..لا تنسي تجيبي المي .. ( بصيغة الامر) 
اوفا بصوت واطي ؛ глупый (يعني سخيف) 
اركان سمع الكلمة .. بس مشي بطريقه ..

بعد ما اركان طلع ع غرفته 
اوفا بلشت تسبو بالروسي ..
عبتلو كاسة مي باردة ..من البراد 
وطلعت ع غرفته ..

اوفا دقت الباب ..
اركان: تفضلي ..
اوفا: تفضل مي تبعك..
اتجهت بتجاهو .. وناولتو الكاسة 
اركان: المي بوووز  مين قلك تعبيه  مي باردة..
اوفا: ....
اركان: روحي جدديلي المي  جيبيلي مي من الحنفية  ..
اوفا اخدت الكاسة وطلعت معصبة ..
رجعت ع المطبخ عبت الكاسة من الحنفية ورجعت لعندو ..

دقت الباب ما حدا رد .. 
اوفا فتحت الباب ودخلت ..
شافته بالبرندة(البلكونة)  مو منتبه عليها ..
حطت كاسة المي ع الطاولة وطلعت بحزر ..
(كرمال ما ينتبه عليها .. وما تطر تحكي معو)

اركان رجع دخل غرفته شاف الكاسة ع الطاولة.. ما شربها ولا اشي 
اصلا هو من الاصل ما كان بدو مي 
بس كترة غلبة ..

صارت الساعة ٨ المسا ..
اجو الضيوف واللي هن ..
ابراهيم واختو ميديا وامو وصال ..

اوفا استقبلتهم .. وسلمت عليهم ..

(ابراهيم واوفا كانو صحبة .. 
بس ابراهيم كانت نيتو سيئة ..
لما عرف انو اجنبية وجذابة .. بلش يتقرب منها .. )

ابراهيم فات ع الصالون سلم ع ابن عمو 
اركان.. 
وسيلا نزلت سلمت عليهم وقعدت مع ميديا 
وصال ونجاح قعدو سوا عم يدردشو ..

ابراهيم.: مرت عمو وينها اوفا؟ 
نجاح: بتكون بالمطبخ ابني ..

اول ما اركان سمع انو ابراهيم سال ع اوفا 
انزعج كتير .. 
ابراهيم: رايح جيب مي .. مين بدو ..

ما حدا رد ..
طلع ابراهيم من الصالون واتجه ع المطبخ ..

ابراهيم : اوفا انتي هون؟ 
اوفا بابتسامة: نعم ايبو (دلع ابراهيم) 
ابراهيم: كيفك شو اخبارك .. 
اوفا: انا منيحا انت كيفك .

وبهالاثناء بيجي اركان ع المطبخ ..
ابراهيم: هلق صرت احسن .. 
اركان: احم .. )عم يحاول يخترع جملة يقولها)  اوفا حضريلنا شي ..
اوفا : اي  ليكني انا يحضر عصير وبسكويت ..
ابراهيم : بدك مساعدة ؟ 
اوفا: لا شكرا ايبو ..
اركان: بما انك خلصتي ..
غرفتي شوي مكركبة رحي نضفيه ..
وانت ابن عمي تعال معي نتمشى بالجنينة..
ابراهيم بملل؛ ماشي ..

اركان اخد سفرة الضيافة وطلع هو وابراهيم 
اما اوفا كانت رح تنفجر .. 
اوفا مستغربة ؛ شبو هاد من اول يوم خلاني حس اني عشت معهم ميت سنة ..
لك سخيف وغليظ .. 
طلعت ع الدرج مسرعك بدا تروح تنظف غرفته 
.. 
دخلت شافت انو غرفتو كتير مرتبة ومافي شي تنظفو ..
اوفا: شو بدي نظف هون .... كلشي منيح ..
وهي بدا تطلع من الغرفة .. شافت كاسة المي ع الطاولة .. لساتها ع حالها ..
اوفا بقلبها: لكك هاد  قديشو مزعج  وسخيف 
....
طلعت وسكرت باب غرفتو بقوة ..
نزلت ع الحديقة بما انو ما فيها تقعد معهم ولا تروح ع المطبخ 
قررت تاخد طاقة ايجابية وتشلح من رجليها وتمشي ع العشب ..

وهي عم تمشي قربت ع زهور التوليب ..
عم تشمهم ومغمضة عيونها..

اركان وابراهيم كمان كانو بالجنينة..
اركان شافها .. بس ابراهيم كان داير وجو ع طرف الثاني..

اركان شافها وشاف كيف قاعدة عم تشم الزهور .. ومغمضة عيونها والهوا عم يطير شعراتها الدهبي ..
اول مرة بيشوف ملامحها لهدرجة حلوين ..

ابراهيم كان عم يحاكيه وهو مو منتبه ابدا ..
ابراهيم: هييي ابن عمي شبك ؟! 
التفت ع جهة اللي عم يطلع فيها اركان ..
ابراهيم شاف اوفا ..
ابراهيم: يا سبحان اللي خالق هالجماااال! 😍
اركان اول ما سمعه .. رجع لوعيه ..
اركان: خلينا نفوت...
ابراهيم: الجو حلو ابن العم خلينا هون..
اركان: لا تعال بدي اقعد مع مرت عمو ..

دخلو لجوا واركان كان مقهور ومعصب كتير ..

اجو قعدو  بالصالون ..
ميديا اختو لبراهيم .. من زمان كانت معجبة ب اركان كتير .. وكانت تحاول تتقرب منو ..
بس اركان .. كان يعاملها متل اختو سيلا 
وكان يدللها .. لهيك كانت اخدة وج عليه

بس  هلق بعد ما عرفت  انو اركان رجع ع البلد انبسطت كتير .. مع انو هي الها سوابق كتير ..  ولما رجعت شافت اركان قديش صار شخصي وحلو .. قررت تكمل بخطتتها اللي خططتلو من زمان ...

اخر المسا 
راحو الضيوف ... 
وسيلا ونجاح .. طلعو ع غرفهم ينامو ..
اوفا لساتها كانت بالجنينة..

واركان .. عم يستناها تحي ليبهدلها ..
بس هي ما اجت وهو مل من الانتظار ...
ف قرر يروح لعندها ..

اركان: ما هلصتي درس اليوغا تبعك؟ 
اوفا وقفت ع رجليها..
اوفا؛ نعم!  انت يريد شي ؟؟ 
اركان معصب : شو فاتحينلك هون اوتيل !؟ 
اوفا: بعتزر كتير .. 
اركان: شو عم تعملي هونن ؟ مو قلتلك تنظفي غرفتي ..
اوفا : انا رحت ع غرفة انت .. بس كولشي كان تمام ونظيف ..
اركان ؛ نظيف قلتيلي ..

مسك ايدها وسحبها عم يمشي فيها..
اوفا : سيد اركان...انت عم يوجع ايدي 
اركان ما رد عليها .. 
فتح باب غرفته ..
وبلش يخرب كلشي بغرفته وكلشي ع الطاولة ..وع شي تكسير .. وتخريب ..
واوفا مصدومة من تصرفاتو .. ما بتعرف كيف تتعامل ...

اجو سيلا ونجاح ع صوت التكسير ..

يتبع...