تنام مع زوجها فعندما تستيقظ صباحا تفاجأ

دات ليلة وبينما كنت مستلقي على سريري المريح وحاملا هاتفي اتصفح المواقع الالكترونية كعادتي لفت انتباهي منشور على فايسبوك او بالأحرى لفتت انتباهي الصورة المرفوقة مع المنشور فأحسست بفضول لأقرأ ما كتب فوق الصورة 

وما جاء في دلك المنشور كالتالي:

انا متجوزة بقالي سنه.. والحمد الله عايش بشكل طبيعي ومافيش اي مشاكل.. بس في حاجة بدأت تحصل معايا من تلات شهور بالظبط... انا حاسه ان في حاجة غلط بتحصل ومش فاهمه وجايه احيكلكم جايز حد يفهمني ويساعدني....

خليني اقولكم الاول ان جوزي شغال سواق على خط المنصوره والقاهرة....

الموضوع بدأ  في يوم جوزي سافر وكان المفروض انه هيبات في الشغل اليوم ده ومش هايجي غير تاني يوم بليل... المهم اني اتفاجئة انه رجع ولما سالته حصل ايه قالي اتخانقت مع صاحب الشغل وسبت له العربية وجيت.. قلت له ماشي.. سهرنا مع بعض اليوم ده وقعدنا نتفرج ع التلفزيون.. وبعدها جوزي قالي انا شفتك بالقميص النوم ده كتير.. غيرس والبسي غيره.. فعلا غيرته ولبست حاجة تانية... وبعديها بكام ساعة قالي تاني غيري القميص ده والبسي حاجة تاني.. عملت كده.. وبعدها قالي مفيش حاجة تتاكل.. قلت له اه هقوم احضر لك الاكل..

قمت وحضرت الاكل.. واكلنا وكانت الساعة سبعه الصبح وقتها.. نمنا وصحيت الصبح ع العصر.. صحيت ملقتش جوزي جنبي! استغربت انه صحي وطلع ومصحانيش عشان نفطر مع بعض زي ما متعودين! بعد دقايق من صحياني لقيت جوزي راجع! هنا قلت له انت خرجت امتى وليه ماصحتنيش؟ جوزي ضحك وقالي انتي فيكي ايه بقولك ايه انا هلكان حضري لي الحمام اخد دش وهدخل انام.. انا مفهمتش ردت فعله.. فعدت السؤال تاني وقلت له انت رحت صحيت ورحت فين؟ قالي يابنتي انا مسافر المنصوره من امبارح وبيت زي ماتني عارفه ويادوبك لسه راجع!..

انصدمت من كلامه.. امال مين اللي كان معايا امبارح؟ انا كدبته وقلت له مستحيل انت كنت معايا امبارح.. وحتى قلت لي غيري قميص النوم مرتين.. وسهرنا للصبح واكلنا مع بعض! ضحك وقالي انتي شكلك سخنه! فضل يحلف ويقولي يا بنتي انا كنت امبارح ف المنصوره ولسه راجع اهو! ماصدقتوش.. وهو اتصل بالسواق زميله وفتح الاسبيكر وسمعته وهو بيقول انه كان معاه امبارح طول اليوم!...

انا محطتش ف دماغي وقلت يمكن مقلب منه وكبرت دماغي! بس اللي حصل بعد كده خلاني انصدم!...

بعد اسبوع جت لجوزي سفرية وكان هيغيب يومين.. فانا قلت له انا هروح لاهلي اقعد اليومين دول لحد ما يرجع هو وافق فعلا.. ووصلني لاهلي وسافر.. لكن اتفاجئت في نفس اليوم اللي وصلني وسافر.. جالي ع الساعة واحدة! لقيته بيخبط ع باب اهلي وفتحت له الباب.. قلت له احنا هنهزر ولا ايه! انت مش قلت بايت بره ايه اللي رجعك؟ لقيته اتعصب وكشر في وشي وقالي انا مقدرش ابعد عنك!...

وبعدها قالي يلا روحي جهزي نفسك عشان هنروح دلوقتي.. دخلت لماما وقلتلها عماد هنا وانا هنزل اروح... وبعدها رحت غيرت ونزلت معاه.. روحنا بيتنا تاني.. وتاني يوم صحيت مالقتوش! اتصلت بيه لقيته بيقولي انا عمال ارن عليكي من امبارح ومش برد! قلت له ازاي يعني وانت كنت معايا؟ وكمان ايه اللي خرجك بره من غير ماتقولي؟ لقيته بيقولي رجعت منين مش فاهم؟ قلت له مش انت جيت بليل الساعة واحدة واخدتني من بيت بابا؟ قالي لا انتي مجنونه محصلش الكلام ده! فانا توهت الموضوع وقلت له معلش يمكن لسه صاحيه ومذ مركزه!...  

بس ازاي ده حصل ... انا متاكده انه جالي بليل واخدني وسهرنا مع بعض واكلنا كمان! مين اللي كان معايا ده! ده حتى بصيت ع الاكل ف التلاجه لقيته زي ما هو! ولا كأني طلعت منه واكلنا انا وهو! حتى الفاكهه زي ما اشتريناها واحنا راجعين! انا مش فاهمه حاجة!...

كلمت ماما ف التليفون وقلت لها يا ماما مش عماد كان جاي ياخدني امبارح الساعة واحدة وانتي شفتيه؟ قالت لي لا محصلش.. انتي اللي قولتي انك عايزه تروحي ضروري!..

انا مش فاهمه اللي بيحصل معايا! قلت يمكن تهيؤات وبصراحة اترعبت! دي تاني مره تحصل معايا...

اول امبارح جوزي كان معايا في البيت.. لقيته داخل الاوضة وبيقولي بتعملي ايه.. قلت له هروق الدولاب.. قالي لا عاوزك.. وقعد يهزر معايا.. وحصل بينا حاجة خاصه.. وفجاة لقيت جوزي دخل عليا بيقولي هتنامي دلوقتي! انا اتخضيت! ازاي كان معايا حالا.. وفجاة الاقي جوزي ف نفس الوقت يجي لي الاوضة! فجاة ببص في المراية لقتني بهدومي.. وانا كنت لما كنت مع جوزي.. او اللي عامل جوزي معرفش ده مين.. كنت يعتبر من غير هدوم!..

انا حكيت لجوزي كل المواقف اللي حصلت معايا ومكنش مصدقني.. وقالي ان في حاجة في البيت.. فجاب شيخ تاني يوم يقرا ف البيت.. وقال الشيخ ان مافيش حاجة.. لكن اللي بيحصل معايا لسه بيحصل.. واللي عامل نفسه جوزي ده بيجيلي! بيجي ف اوقات جوزي مش موجود.. واتفاجئ بعدها انه ماكنش جوزي! لما يقولي جوزي اني كنت بره طول اليوم....

فهنا جوزي قالي انتي محتاجة دكتور نفسي.. روحت لدكتور نفسي وعملي جلستين بس وبعدها قالي انتي زي الفل مافكيش حاجة... انا وجوزي واهلي استغربنا.. ومش فاهمين حاجة.. وايه اللي بيحصل معايا.. حاسه اني هتجنن.. مين اللي بيظهر لي ع اساس جوزي؟..

حد عنده تفسير؟ حد يقدر يساعدني!..

الحكاية دي حقيقية ومنتشره جدا ع الفيس بوك.. يمكن انا بس برزت شوية تفاصيل صغيره.. الحكاية دي مش بتفكركم بحاجة؟ فاكرين قصة جاسر؟ فاكرين لما كان ف شبيه لجاسر بيجي للزوجه ف اوقات جوزها مش هنا؟ فاكرين لما ف اول مرة جالها وجوزها كان بايت ف الشغل وخبط عليها وكانت سامعه صوته من بره الشقة.. وتبص للعين السحرية متلقيش حد! وبعدها رسالة من الزوجه تبعتها لجوزها وتقوله انت فين عشان تكتشف انه ف الشغل...

الحكاية دي بتفكرني جدا بشبيه جاسر... بس المرة دي حقيقية!...

لو كانت حقيقية فعلا ايه تفسيركم ليها؟