شعر ابوذيه ازهيري غزل عتابه
اول مره احس بغصع الروح
اول مره انام وحلمي مذبوخ
دوه للنجمه جانت عينك اتبوح غيرك كل خساره انكلها مسموح
ماشفتك عليمن باقيه عيون
يالعب الطفوله براس مجنون
احبك وانت عايش مثلي مسجون
هنياله اليبات براسك ظنون
الشمس طلعت حزينه والضوة مكسور
شباك الليل منها وحيلها مهند
شيجبرها بعد شيعوض الراح
السيف انكسر شيفيد يامبرد
اسمه اعلئ الجرف محفوظ بالطين والروح اليمرها لبس لون اسود
راعيهن مشمه ومغرب بعيد
قفل باب القصيده وانتهئ الموعد
لون زاد بغيابك لويهين
همومي وحضرت مشعل لويهين
تمنيت الحجي ويهن لويهين
وعرف شلون احاجي الكطع بيه
انا بيدي وتد بالكاع دكيت
ولادكه نذل بالناس دكيت
بعدتي وماطحت بالكاع وانت طبول علي
ولك شد وصله وبعد اركص عليه
بعدك تحن اشبيك ياكلبي لسه
موصارت ام افلان جا يمته تنسه
كالولي راح منك كام ينساك
كتلهم وفي مايوم ينساني
كالو مايريدك راح للغير
كتلهم ابد مافكر بثاني
كالو كافي تكتب بسمه اشعار
كتلهم عله اسمه عاكد الساني
كالو مو شماته كلوبنه عليك
كتلهم شماته اتشوفون بحزاني
كالو راح يكتلك طول الفراك
كتلهم فدوه امووت وهوه دفاني
كالو عمي كافي وبطل وتوب
كتلهم راح اضل الشوفته متاني
كالو حجه عنك شكال
كتلهم يحن كلبه يريد يلكاني
كالو نساك للدوم
كتلهم صاحبي ويصير عنواني
كالو هاذا موحب جنون
كتلهم سجن وكلبه صار سجاني
اغط نوبه بهوئ المجفين واطفي
نوبه انحر شمس تموز واطفي
شبه عود البخور احترك واطفي
اوج والوادم اتشم طيب بيه
ياصديقي الضحكه لو طالت تموت
او من تموت الضحكه عيب اليبتسم
والمعاتب لو كثر تالي خراب
المايلزمه المستحه مايلزم
ارتفاعك مو حلو فوك الجبال
ردتك ابحفره او تعلئ اعله النجم
ياصديقي لاتدوس اعله اليطيح
الزلم بالمعركه ادور زلم
وحق رمضان وصيامه ولمساك
اريدن بس شوفتك ولمساك
هجرك صوم يمدلل ولمساك
وعيد الفطر من تكبل عليه
يدنيه وياي حبل الوصل كطعي
بسبب راعي وتكول ناس كطعي
يصاحب ليش بس رياي كطعي
اكطعت حته الهوه بكطعك عليه
اصفن ع العمر خلصته بس هموم
وباوع ع الزمن وشلون جازاني
اثاري بها الوكت ماينفع الطيب
والطيب يضل كل عمره وحداني
وليمشي عدل ع النيه وي الناس
يضل طول العمر مجروح ويعاني
بعدني شما عثر بيه الزمان اقوه
وبعدني اشما عثرت بناس اكول اوجوهم تسوه
ويجرحوني وارد اشتاك
وادري الصوج بيهم بس كلت فدوه
راح اعوفك يالبعت نفسك رخيص
ماخسرتك بس خسرت ايامي
اني ماندمان لكن بيه صوج
عفت كلشي وجلبت بؤهامي
عيوني خدعني وطلع مايك سراب
وجنت اشوفك بحر احلامي
اني لجلك دخلت نفسي بحروب
وجنت اظنك سهم من اسهامي
انته لو تعرف صدك معنئ الوفاء
جا مشيت ابكل درب كدامي
ماردك صديق وتوكف وياي
اريدنك اخو مضموم للعازه
لان بعض الصداقه تميل وي الريح
بس صنف الاخوه تصير عكازه
اخوي انت وصديقي وتبقه اعز الناس
وفضل خوتك يصاحب ما ضنه. يتجازه
كالولي عافك اشو ونته ساكت ليش
شنو ما همك رحيله وضليت ساكت
لا منك تأسف لا شفنه كلمه شوك
ولا جنك اماني عندك وضاعت
كلت مات الشعور وطفت بيه النار
وحاسيسي التخصهم انتهت ماتت
سويت العلي من جانو بعازه ماي
بعد شيفيد الحجي وكيعانهم فاضت
خلص راضي بنصيبي ورح تهون
او لا فعل صدكني هانت
بس رح اكلك واني واثق حيل
احاسيسك مؤقت هل فتره نامت
باجر بعد باجر رح تبجي وتحن
ليام حلوه جدا تجمعنه كانت
