قصيدة كرهتك للشاعر عبد الرحمن نصر

الشاعر عبدالرحمن نصر
يعتبر الشاعر عبد الرحمن نصر من أنجح الشعراء في الوسط الأدبي حاليا وله العديد من النصوص الممتعة مثل نص كرهتك ...

(كرهتك)
الشعر عشان يتكتب محتاج حروف قلم ومشاعر 
الشاعر مينزلش منه دموع 
الشاعر بيعيط قصايد 
الفرحه معادش منها رجوع
ومعادش فيه امل فايض
سما زرقه وطير طاير 
ع مرمي عيني بنت بضفاير 
اللبس ابيض ف ابيض ملاك والجنه اولي بيها
ضحكت ف صدقت ان الضحه كان ليا
عارف غلطت امنت وحكيت وشكيت عن غشهم
امنتها واتطمنت لها 
واول م اتمكنت من قلبي عملت زيهم 
الحب 
عشان يتعمل محتاج قلب ومسامحه كرم وحنين
وانتي قلبك مليان قساوه قلبتي الحب لعداوه
قلبتي سنيني لذكريات عباره عن جرح وانين
مبقتش قادر اوفي مبقتش قادر احب ناس تانيين
بقيت مارر بمُر بمُر مزود مرارة اليوم
معدش ف كلام يتقال
قلبي عايز عقلي محااال 
خلصت حكايتنا واخر باب اتقفل كان بايدك
اخر نفس طلع ليا كانت ف اخر مره اشوفك
كل حاجه نسيتها عينكي ولمعتها صوتك وتنهيدك
اخر مره حسيت لما كنت ماسك ايدك
ساعتي واقفه من يومها 
مخبي دموعي من يومها 
بقول نسيت ونسيتها وانا لسه فاكر كل هدومها
الدخان اصبح صديقي
وعدت رئتيني وبخونها
ممشيتش حتي ليوم قدام 
بفضل باليومين صاحي بتحايل ع عقلي انه ينام
حابب بس اعترفلك
انا ف يوم من الايام عشقتك
اخر قصيده اكتبها فيكي 
اخر كلمه هقولها ليكي
كرهتك ..!

ولد الشاعر عبدالرحمن نصر في عام 2002 ب حلوان ويدرس في كلية حاسبات وذكاء اصطناعي جامعة حلوان .