الاهلي ولعها بثنائي الزمالك وكيروش يفاجئ السنغال 🇸🇳
في البداية كده متنساش تصلي علي الحبيب صلى الله عليه وسلم
بعد ما صليت على الحبيب تعالى نبدأ في موضوع بنشرقي وابو جبل على طول كده قبل اي حاجة الحوار يا سيدي قبل ما نقول اي حاجة لازم تعرف موقفهم ايه؟؟
موقف ابو جبل... ابو جبل كان عنده عرض من النصر السعودي/و في الفترة ال فاتت كان فيه تذبذب كده في مستوى عمنا ابو جبل وبالتالي نادي النصر السعودي بدأ يضغط كده على الزمالك وانه بتراجع عن ملف ابو جبل والنصر قال هيروح للحراس ال بره وبدأ يتفاوض مع حراس من بره. فأبو جبل دلوقتي مفيش عروض و بقى وشه في وش الزمالك كده على طول ما هو مفيش عروض.
وبن شرقي….. بن شرقي وهو في التفاوض مع الزمالك كان واضح وصريح وقالك يا عم انا عايز 2,5 مليون دولار فلو هاخد 2,5 مليون دولار نبقى حبايب وهكمل معاكوا و لو مفيش اتنين ونص مليون دولار يبقى سلام عليكم.
طب العروض بن شرقي طبعا عنده عروض ما هو لاعب زي ده اي نادي هيدور عليه فعروض الفترة ال فاتت كان من اكتر من نادي و من بينهم نادي اماراتي طالب بن شرقي لحد كده حلو الكلام صح ياعم.
طب موقف النادي الاهلي ايه من االكلام ده؟؟ هل الاهلي عايز حد فيهم؟؟ ولا عايز الاتنين؟؟ او ايا كان.
شوف ياعم: موقف الاهلي حتى اللحظة ال احنا بنتكلم فيها دي هو ضبابي شوية بمعنى ان الاهلي عايزهم و مش عايزهم بمعنى ان الاهلي عايز ياخد اشرف بن شرقي لاننا لو نظرنا للاهلي فهنلاقي ان الاهلي في احتياج للاعب مثل اشرف بن شرقي.
و يوجد في الاهلي طرفين طرف يؤيد الصفقة و بشدة و طرف متحفظ لا يريد الوقوع في مشاكل مع فريق الزمالك و يوجد افكار و اقوال تقول: بأن يخرج اشرف بن شرقي الى اي نادي ثم يعود الى الاهلي بعد مدة قضاها في اي نادي وهكذا لن يقع الاهلي في مشاكل مع فريق الزمالك لأن الاهلي لم يأخذ اللاعب من الزمالك مباشرة ؛ فمثلا يذهب اشرف بن شرقي الى نادي بانياس الاماراتي لمدة ستة اشهر و بعد ذلك يعود لفريق الاهلي.
وموضوع ابو جبل بعيد شوية خصوصا ان الاهلي مخلص مع حارس مهم جدا و هو محمد صبحي.
طب وعندنا مفاجآت كيروش امام منتخب السنغال
بداية كده مباراة الذهاب هتكون في الخامس و العشرين من شهر مارس في القاهرة على استاد القاهرة الدولي في الساعة التاسعة والنصف مساء وو مباراة الاياب هتكون في التاسع و العشرين لشهر مارس في السنغال الساعة السابعة ليلا.
المنتخبان تقابلا من قبل 14 مرة فاز المنتخب المصري في سبع مباريات وفاز منتخب السنغال في خمس مباريات وتعادلا في مباراتين.
غيابات منتخب مصر: اكرم توفيق للاصابة، احمد حجازي للاصابة، عبدالله السعيد لاعتزاله اللعب الدولي.
واللاعبين الاقرب للانضمام في خط الدفاع محمد هاني لاعب النادي الاهلي و ياسر ابراهيم لاعب النادي الاهلي و محمد حمدي لاعب بيراميدز.
و اللاعبين الاقرب للانضمام في الجانب الهجومي احمد رفعت جناح نادي فيوتشر و ابراهيم عادل لاعب بيراميدز و محمد كناريا لاعب سموحة و حسين فيصل لاعب سموحة ولا نقول انهم جميعا سينضمون بل لاعب او اثنين.
والمفآجأة النارية
اما عن اللاعب سبرايل الماكريكيس يبلغ من العمر 21 سنة ومركزه لاعب وسط رقم 8 او رقم 10. كمان بيقدر يلعب جناح يمين او جناح شمال و ظهير ايمن.
حاليا بيلعب لنادي فيكتوريا برلين الالماني وجنسيته مصري يعني يقدر يلعب للمنتخب المصري
و كارلوس كيروش طلب من الجهاز المعاون متابعة هذا اللاعب من اجل انضمامه للمنتخب المصري استعدادا لمباراتي السنغال في تصفيات كأس العالم.
و بالنسبة للإمكانيات التي يملكها هذا اللاعب طبعا هو لاعب خرافي يعتبر جوكر اللاعب سبرايل هيكون اضافة بكل المقاييس للمنتخب المصري في حالة انضمامه و على فكرة اللاعب يرحب بالانضمام للفراعنة.
لاعب عنده امكانيات عالية جدا سريع ومهاري وقوي و يقدر على المراوغة و في حالة واحد لواحد بيعدي ويمتلك حلول غير تقليدية في الملعب ويمتلك اللعب بالرأس والقدمين بمهارة عالية جدا جدا و هيكون مفاجأة امام السنغال
