كيفية عمل سيرة ذاتية من الأحتراف
عن السيرة الذاتية
فالبوست ده أتطلع منه بتعرف تعمل ال CV بتاعك منغير متحتاج لحد يعملهولك يالا بينا
فالبداية عايزين نعرف يعني اي سيرة ذاتيه أو cv
curriculum vitae
وسيلة لدخول الinteriew أو أداه بيحدد من خلالها مسؤولي التوظيف مدي تناسبك مع ال position المتاح وأنهم يختاروك توصل لمرحلة الinterview
طيب أنت ليه لازم تعمل cv؟
1-Internship
2-volunteering
3-job
4-sholarship
لازم قبل ماتعمل الcv بتاعك تكون عارف هيا الشركات والمديري التوظيف بيختاروا علي أي أساس وبيركزوا علي أي فال 20 - 30 ثانيه البيبصوا فيها علي cv بتاعك
Check the job description
من خلاله أيعرفوا إنت مناسب للوظيفه وممكن يكملوا قراءة ليه ولا لا
Keywords
ودي حاجه أساسية بقت دلوقتي لأن الشركات بقت تستخدم software من خلاله بتفلتر الCVs المختلفه عشان يقدروا يختاروا أكتر ناس relevant للposition
Skills
هل المهارات المطلوبه في إعلان الوظيفه متماشي مع مهاراتك ولا لا
Experience
خبراتك السابقه ليها علاقة بال position ولا لا
Ovarroll tone
شكل ال cv نفسه وحجم الخط وتنظيمه
عشان كده لازم وإحنا بنعمل الcv نفصله علي إعلان الوظيفه ويكون مناسب له من كل النواحي
طيب فالأول هوه في أشكال الcv؟
أكيد وبتنقسم لثلاث أنواع
1-formal
وده لو بتقدم في بنك او مستشفي أو جهه حكوميه او شركه
2-informal
ده لو بتقدم في حاجه زي التسويق او المبيعات او العلاقات العامة
3-creative
وده خاص شوية بالناس الفوتوشوب أو المصممين أكتر
بعد ماعرفنا أشكال الcv عايزين نعرف أنواعه اي
Cv types
1- cv
وده الهدف منه إنه بيوضح كل حاجه بالتفصيل بتخصك علي المستوي المهني من خبرات وتدريبات ومهارات وبيكون في حدود من صفحتين لتلاته وده بيكون مطلوب أكتر فتقديم علي المنح أو الوظائف الأكاديمية أو لما يكون مطلوب في إعلان الوظيفه إنه مطلوب الcv كامل
2-Resume
بتوضح أكتر حاجه متفصله علي إعلان الوظيفه ده وبتكون مختصره عن الخبره بتاعك او أنجازاتك وبيكون فحدود صفحه وحده ميزدش عن كده
3- Master cv
وده بيكون فيه كل الخبرات والكورسات والتدريبات النت أخدتها وده بيساعدك إنه يكون مرجع ليك وقت متعمل resume تاخد منه الحجات المناسبه للوظيفه البتقدم ليها بس
_____________________________________________
كده عرفنا أنواع وأشكال السير الذاتية المختلفه بس قبل ماندخل علي السكاشن وإزاي نكتبها عايزين نعرف أي الأسباب عدم الرد عليك بعد ماتبعت الcv ليهم عشان تاخد بالك وأنت بتكتب وتتلاشي الأخطاء دي
1- الإيميل مش بيكون بشكل فورمال وده بيكون كده
Www إسمك ثنائي @gmail.com
2-مش بيكون الcv محدد زي ماقولنا لازم يكون متفصل علي إعلان الوظيفه
3-الخبرة إنه مطلوب في إعلان الوظيفه مثلا خبرة 5 سنين ولكن أنت لسه فريش
4-مش سايب رقم تليفون شغال ومتاح او إيميل بتاعك الموجود فالcv غيرته
5- العنوان النت كاتبه فالcv غير المطلوب فالوظيفه زي إنه مطلوب حد ساكن فالقاهرة ولكن أنت ساكن في أسيوط فلازم تكون تكتب مقر الإقامه بتاعك في القاهرة التكون متاح فيه نقطة مهمه جدا وبيترفض منها ناس كتير" take care "
6- أخطاء أملائيه
7- تحط صورة وهي مش مطلوبة
8- كتابة كورسات وشهادات ليس لها علاقة بالوظيفة أو أشياء لم تنجزها أصلا
9- تعمل الcv بتاعك علي فورم من جوجل أو تمبلت جاهزه من موقع أو أبليكشن
10 - تعرض كل مهاراتك والمهام الوظيفيه بكل تفاصيل ومتخليش حاجه تقولها فالانترفيو
11- أخطاء أملائيه ده هيأثر جدا علي cv و درجته فالATS
12 - تحول ال cv دريف وتبعت لينك دريف فلازم يكون pdf بس ويكون إسمه (your name +resume)
_____________________________________________
تعالي بقي نعرف أجزاء الcv وبتتكتب إزاي كوباية الشاي بتاعك ويالا بينا
أجزاء الcv
1-contact information
2-profile, Summary, career objective
3-educational background
4-Professional experience
5-Professional Internship
6-Courses
7-skills
8-Languages
9-Languages
10-Computer
11- intersties and hoppies
12 - References
____________________________________________
Contact information
من أهم الأجزاء في cv وهيا بياناتك الشخصية علشان كده لازم لو بتكتبها غلط هتكون سبب أساسي إنك متقبلش فالوظيفه. طيب بتكون إزاي
إسمك ثلاثي ويكون حجمه 14 وbold في منتصف الصفحه من فوق
رقم تليفونك ويكون شغال دايمآ عشان يعرفوا يتواصلوا معاك
العنوان المتواجد فيه لما إن شاء الله تتقبل فالوظيفه دي
الإيميل بتاعك ويكون فورمال زي ماقولنا فوق
لينكدين إن اكونت خصوصا لو انت مكمله بشكل فورمال وبروفيشنال إسيبلك لينك بوست كامل عن لينكدين
وبالتالي ايكون شكل السكشن ده كده كمثال
______________________________________
Hassan Rageb Ahmed
Saqulta, Sohag
01123456785
______________________________________
Objective Summary
عبارة عن فقرة مبتزدش عن 5 سطور بتكتب فيها إنت مين ووضعك الحالي اي من خبرات وتدريبات ونقاط قوة وبتطلع إنك تكتسب إي من الوظيفه دي وتبرز بقدر الإمكان نقاط القوه عندك وبتبين "unique selling point " أكتر حاجه مميزه فيك وتكون relavant مع الposition البتقدم ليه أكيد بمعني أصح إزاي تخلي الHR يقتنع إنك إنت المناسب للوظيفه دي ومتفصله ليك وبتختم بجملة إنك عايز الوظيفه دي وأنشوف مثال دلوقتي يوضح كده
A focused marketing graduate with a 2:1 degree, specialising in digital marketing. Possess relevant professional experience gained during two internships with multinational businesses acquiring valuable insight into developing and implementing digital marketing campaigns . Able to balance multiple competing priorities, having worked part-time for three years whilst still achieving strict deadlines for submission of assignments.
Aiming to secure a place on graduate scheme, which wil provide commercial exposure and opportunities for progression .
____________________________________________
Education
ترتيب حسب الدرجات العلمية من الأحدث للأقدم بمعني لو أنت واخد دبلومة بعد البكالوريوس تكتب الدبلومه الأول او ماجستير وهكذا.... ولكن متكتبش الثانوية العامه ولا حتي اي حاجه قبل الكلية ولكن خد بالك لو التقدير التراكمي أقل من جيد يفضل متكتبوش
Faculty of............. at.............. University
Major :............
Grade :..........
Graduation year :..............
_____________________________________________
Professional Experience
دي تشمل الخبرات المهنيه في كاريرك بمعني شغل وأخذت مقابله فلوس دا لو أنت اتخرجت إنما لو طالب اتخليها
Professional internship
كتابة هذا الجزء سيكون كالآتي
Postition المنصب اي
Date :from.. to..
التاريخ من كام لكام
Name of company إسم الشركة او المؤسسه
Address of company عنوان الشركه
Job Description
بيكون فصورة نقاط كده ده بتعرف HR إنك بتعرف تعمل الحجات دي فعلا
وبتكتب الحجات الليها علاقه بالوظيفه البتقدم عليها لو اشتغلت أو أخذت كذا تدريب
____________________________________________
Courses
ودي بتكون الكورسات النت أخذتها سواء أونلاين او أفلاين وبتكون specific أكتر بالشغل البتقدم عليه وتكون فعلا فاكر المحتوي بتاعها حتي فصورة نقط زي كده
Name of course
date
Name of platform or assoication
وترتيب الكورسات من الأحدث للأقدم ولازم تكون specific بالposition بتاعك البتقدم عليه
_____________________________________________
Professional Development
ده قسم بتحط فيه السيشن الصغيره البتحضرها متكونش أكتر من ساعه وزي طريقة الكورسات أكتبها من الأحدث للأقدم وتكون relavant
_____________________________________________
Skills
ودي أنقسمها ل soft skills و hard skills طيب اي الفرق
Soft skills
دي مهارات مش مرتبطه بنوع الوظيفه إنما شخصيه أكتر ولازم تكون فيك وأنت بتكتب كل مهاره ممكن تكتب تحتها سطر صغير يدل علي المصداقيه أنها فعلا عندك من خلال مثلا أرقام مثلا لما مثلا بتتكلم إنه عندك communication skills تكتب سطر تحتها إنك مثلا عملت Presentation skillls فتيم التطوع بتاعك اواكتسبت المهاره دي من خلال التطوع فكذا
Hard skills
دي بتكون مختصه بالpostion البتقدم عليه ومطلوب اي فأعلان الوظيفه عندك وتكتب المهارات تبعا ليه
لازم تكون المهارات النت بتكتبها فعلا عندك ومتقنها عشان ال HR أيسالك فكل حرف فيها ويعرف فعلا عندك ولا لا
_____________________________________________
Languages
متكتبش العربي
English : V.Good بس كده
____________________________________________
Computer skills
اكتب البرامج اللي بتعرف تشتغل عليها ومستواك وبرامج الاوفيس كلها بتكتب MS Office ومستواك مش بنعد كتر برامج احنا.
____________________________________________
Intersties +hoppies
تكون مرتبطه بالوظيفه وليها علاقة زي مثلا لو انت بتقدم كاتب محتوي لازم بتكون بتحب القراءة لو مثلا بتقدم علي منصب مبيعات لازم تكون عندك حته التعرف علي ناس جديده كهواية عندك وهكذا............
___________________________________________
References
ياريت بلاش كلمة References are available upon request لأنها مكتوبة فى أغلبية السير الذاتية والشخص اللى بيقرأ السيرة بتاعتك بيبقى فاهم إنك عندك مراجع أو References علشان كدا حضر إسم وتليفون ووظيفة وممكن email الأشخاص اللى عندك دول وإكتبهم علطول فى سيرتك من غير الكلمة الروتينية دى )أشخاص من شغل سابق أو كورس أو جامعة ) لكن مش أصحاب وأقارب وياريت لو تعرف الأشخاص دول إنك أخترتهم كمرجع علشان لو فعلا حد من ال HR إتصل بيهم ميتفجئوش ويكونوا محضرين ومسترجعين كل النقط اللى هيسألوها عنك.