شعر مصري عينى عليك يا دنيا كلمات اسامة فؤاد
0 reviews
عينى عليك يا دنيا كلمات اسامة فؤاد حنا
عينى عليك يا دنيا
يا ماشية بالمقلوب
دايما تنصرى الظالم
وتيجى على المغلوب
وللخسيس تفتحى حضنك
والاصيل تديه ظهرك
الامين فيك ينداس
وايد الحرامى تنباس
فيكى ناس
مش لاقية العلاج
وفيكى ناس
تصرف الوف على البلاج
وناس مش لاقية شغلانة
ولا حتى فرصة
وناس جيوبها مليانة
وبتكسب ملايين فى البورصة
وناس عايشة ع الرشاوى
وناس بتشيل وراها البلاوى
وناس عايشة فى الجحور
وناس بتبدل فى القصور
وناس ساكنة ع النيل
وناس شايفة الذل والويل
وناس شاربة المرار
وناس بتاكل كافيار
وناس بتتفسح وتسافر
وناس تصعب ع الكافر
وناس مش لابسة حاجة
وناس شياكة والالاجة
والكل تاه وسط الزحمة
ونسيوا معنى العطف و الرحمة
اه يا دنيا العجايب
مش سايبة الماشى ماشى
ولا سايبة الراكب راكب
“كلمات اسامة فؤاد”
