ازاي نعمل فراخ كنتاكي في البيت بأقل التكاليف؟🍗

الخطوات سهله وبسيطه جدا تعالو نمشي مع بعض واحده واحده  :

الخطوه الأولي:

هنجيب حله كبيره علي نار عاليه و فيها ثلثي ها ماء ونتركها حتي تغلي ونبدء نحط فيها المقادير دي:

1 بصله متوسطه متقطعه مربعات

2 معلقه كبيره من  الملح

1 معلقه كبيره من السكر

1 معلقه كبيره من الفلفل الاسود

4 فصوص من  الحبهان

4 ورقات من الورق اللوري 

1 معلقه كبيره من  الثوم البودره

1 معلقه كبيره من  البصل البودره

1 معلقه كبيره من الكاري

نصف معلقه  زنجبيل

سوف نقوم بتقليب كل ده بعد كده نحط فيه الفراخ بتاعتنا ونسيبها لحد ما تتسلق كويس جدا  مهمه جدا الخطوه دي يا جماعه تتسلق كويس .

ملاحظه: الفراخ تكون متنظفه كويس جدا و مغسولة و متقطعه باي عدد قطع انتو تحبوه و المقادير دي تكفي حوالي فرخه ونص لو حابين نزود فراخ هنحتاج نزود المقادير أو نقلل حسب كميه الفراخ  .

الخطوه الثانيه:

هنجيب طبق عميق و نحط فيه نص كيلو دقيق بعد كده نحط عليه الحاجات دي:

1 معلقه صغيره ملح 

1 معلقه صغيره بصل بودره

نص معلقه صغيره كاري 

1 معلقه صغيره باب ريكا 

1 معلقه صغيره ثوم بودره

نص معلقه صغيره فلفل اسود

ونقلب ده كله مع بعضه بعد كده نحط:

1 معلقه كبيره بيكنج بودر

2 معلقه كبيره نشا

ونقلب ده كله مع بعضه .

الخطوه الثالثه:

هنجيب طبق تاني نحط فيه ثلث كميه الدقيق الي حضرنا في الخطوه الثانيه ونحط عليهم :

1 بيضه 

كوب ماء نحطه واحده واحده ونقلب كويس جدا لحد ما يبقي كريمي كده و بعد ما الفراخ تكون اتسلقت نطلعها من الحله ونبدء نحطها في الخليط الكريمي بتاعنا ده كلها كويس جدا بعد كده هنبدء نحطها في الدقيق الي عملناه في الخطوه الثانيه ، بعد كده في حله فيها زيت غزير مغلي هنبدء نحط فيها الفراخ لحد ما تاخد اللون الذهبي المميز لدجاج كنتاكي وبكده نكون عملنا مع بعض دجاج كنتاكي وصفه سريعه وسهله وأمانه تماما ممكن تقدموها مع الرز البسمتي و السلطه أو ممكن مع العيش والبطاطس المحمره و كاتشب وبالف هنا وشفا احلي فراخ كنتاكي المقرمشة ونظيفه وجميله 🍗✨