برجر اللحمه والبيك فراخ
اولا طريقه برجر اللحمه .
المقادير.١_نص كيلو لحمه مفرومه
٢_ معلقه كبيره بصل بودره او ٣ معلالق مياه بصل(بتجيبي بصلايه وتبشوريها وتاخدي مياه البصل فقط)
٣-معلقه صغيره توم بودره ممكن ٢ فص توم عادي.
٤_ ربع كيلو فول صويا .
التوابل معلقه صغيره ملح +معلقه صغيره فلفل اسمر +معلقه صغيره بهارات +بهارات برجر+معلقة كاتشب +شطه.معلقه صغيره بكنج بودر .
طريقه العمل .
١_بنقوم بنقع فول الصويا في الماء حوالي ربع ساعه وبعد النقع اهم حاجه بنصفيه جيد جدا
٢_نضيف التوابل( ملح والفلفل والبهارات وبهارات برجر وبكنج بودره )والبصل والتوم علي اللحمه ونحطها في الكبه ونخلطها جيدا جدا
٣_ نضع فول الصويا في الكبه ونقوم بتنعمها جيدا .
٤_نخلط اللحمه مع فول الصويا ونقوم تشكلها كرات صغيره
٥_ لو متاح مكبس البورجر بنحطه فيه وبين كل برجر والتاني لازم نحط كيس للفصل ويتم وضعه في الفريزر حتي يتجمد .
بتخرج البرجر بعد ذلك وبتدهني الطاسه زيت بسيط وتضعي فيه البرجر وتجهزي الساندوتش عيش كايزر وطبقه خص وطبقة جبن والبرجر وكاتشب وبالهنا
ملحوظه ممكن نحط جبن جوه البرجر نفسه وبعدين نفتحها نلقيها بتمطر وتبظ جبن
ثانيا البيك فراخ
المقادير
١_نص كيلو صدور فراخ
٢_توابل معلقه صغيره من ملح فلفل اسمرو بهارات وتوم بودره وبصل بودره وشطه
٣_ دقيق وبقسمات
الطريقه بنحط صدور الفراخ في الكبه مع عدم التنعيم لازم تبقي خشنه عشان يبقي زي البيك الأصلي.
نحط عليها التوابل ملح وفلفل وبهارات وتوم بودره وبصل بودره شطه
بعد كده نجيب صنيه مستطيله ونحط فيها طبقه من الدقيق والبقسمات وبعدين نحط الفراخ وبعدين نحط طبقه تانيه من الدقيق والبقسمات تاني ونقوم بتقطيع الفراخ علي شكل مستطيل .
ملحوظه.ممكن بنفس الطريقه نشكله برجر للعيش الكيزر ويبقي برجر فراخ.
ونضع الصنيه في الفريزر للتجميد وبعدين للتجهيز تحمرها في زيت غزير وبالهنا.
احب اقولكم ان الطعم خرافه عن تجربه وأهم شئ في الموضوع هو نظافه الاكل كمان مضمون لان انت بتجهزه بنفسك وعارفه نوع اللحمه وعارفه مصدرها وكذالك الفراخ الكل دلوقت مش مضمون خالص فلازم نعمل الاكل في البيت عشان نحمي نفسنا واولادنا من التعب .
