الطبخ بكل سهولة للمبتدئين و محبين الطبخ

أحب في أول كلامي أتكلم عن أهمية الأكل البيتي قبل أي و صفة .طبعاً أحنا في ظل الرتم السريع المتواجد في حياتنا دلوقتي الكل بيتجه الي الأكل السريع أو المتعارف علية fast food  و طبعاً ده بسبب ضيق الوقت أو بمعني أصح عشان نستسهل أكثر و نريح نفسنا من دخول المطبخ بس في الحقيقة الأكل البيتي هو أصح و أفيد بكتير من الأكل السريع أو أي أكل من مصادر أخري مثل اللحوم المصنعة و الفراخ المصنعة كل الحاجات ديه بتدمر صحتنا شباب أو بنات رجال أو نساء أي كانت المرحلة العمرية فالأكل المتحضر في المنزل أفضل بكثير من الأكل الجاهز المصنع في مصنع أو محل في الشارع أو عربية أكل في الشارع و الفكرة البنتكلم فيها أزاي  نعرف نحافظ علي صحت أولادنا و صحتنا نحن الكبار أيضاً  و كمان نوفر. بالتأكيد أكل البيت مضمون نظافته و مضمون مصدرة و كيفية الطهي و هنا سوف نتعلم كيفية الطبخ  للمبتدئين وعمل و صفات مفيدة و سريعة لأي حد عاوز يتعلم الطبخ بطريقة   مضمونة و سهلة التحضير بمقادير دقيقة و مفيدة لكل الأسرة .

النهاردة هنعمل وصفة سهلة و سريعة في حله واحده و هي كباب الحله  يالا بينا علي المقادير:-

-١ كيلو لحمة خضار تكون فيها دهن خفيف -١ كيلو بصل أبيض أو أحمر مقطع حلقات أو مقطع مكعبات صغيرة.

-٢ معلقة كبيرة  مليانه سمنة بلدي أبيض أو أصفر

• - ماء مغلي كمية مناسبة لحد ما تغطي اللحمة بالكامل
•  
• التوابل:-
• ٢ معلقة شاي ممسوحه ملح
• ١ معلقة شاي ممسوحه فلفل أسود مطحون
• ١ معلقة شاي ممسوحه حبهان مطحون
• ١/٢ معلقة شاي ممسوحه كمون مطحون
• ١ معلقة كبيرة ممسوحه سكر 

الطريقة:-

في حله علي نار  عالية نضع السمنه مع البصل و  الفلفل الأسود و السكر فقط  نشوح البصل شوية حلوين علي النار ثم نضع قطع اللحمة قطعة قطعة مع التشويح الجيد لكل قطعتين ثم نضع قطعتين أخرين عشان عصارة اللحمة تظل داخل اللحمة مش عاوزين مياة اللحمة تخرج منها نفضل ننزل بقطع اللحمة بالتوالي لحد ما الكمية تخلص و نفضل نشوح البصل مع اللحمة لحد ما يأخذوا لون ذهبي غامق ثم بعد ذلك نضيف المياة المغلية حتي تغطي كمية اللحمة كاملة في هذه المرحلة نضيف الحبهان و الكمون فقط و نقلل درجة حرارة النار الي الوسط و نغطي الحله جيداً و تترك لمدة لا تقل عن ساعه و نصف و قبل نهاية مدة التسويه نضيف الملح ليه ضفنا الملح في المرحلة الأخيرة من التسوية علشان الملح لو أضاف من أول الطبخ بيأخر مدة تسوية اللحمة .

تقدم مع :- 

أرز بالشعرية

ملحوظة هامة:-

١-تحديد مدة التسوية علي حسب قطعية اللحمة. لحمة الخضار من القطع  البتطول في التسوية شوية علشان كده لازم نطلب من الجزار القطعه المناسبة للوصفة البنحضرها.

٢- لو نفذنا الخطوات بظبط و المقادير بظبط أوعدكم أن الأكلة هتبقي مظبوطة جيداً جيداً و ناجحة.

٣- مقدار الملح ال في المقادير مظبوط جيداً لكن لو حد بيحب الملح أقل يقلل الكمية الي معلقة واحدة و العكس صحيح لو حد بيحب الأكل مالح يزود معلقة ممسوحة.

نصيحة علي الماشي:-

أطبخ بحب عشان الحب ده بيبان في طعم الأكل ديماً الناس بتقول كل ست ليها نفس في الأكل الحقيقة هو الموضوع مش نفس  في الأكل قد ما هو  حب في عمل الأكل نفسه فطعم الأكل بيبقي أحلي أكيد 🌹