اهميه الرياضه وكيفيه الحفاظ على الجسم

بعد اذنك اقراء المقال للاخر و افهم.. 
انا كنت كاتب المقال ده من فتره علي صفحتي الخاصه 
و بعيد تاني للتنبيه و التعليم للناس و المره دي انا كاتب مقسم المقال لجزئين.. 
يلا بينا 
# اولا الجزء العلمي : وده للناس اللي عايزه تتعلم الرياضه

نبذه عن Calisthanics
# هي رياضه تمرين بوزن الجسم يعود تاريخها لعصر الرومان والاغريق في و كانت اساس تمرينهم.. وتميز وابدع بها الاسبرطيون 
# كلمه Calisthenics تعني 
Callous
اللي هي جمال او Beauty 
Stenosis
بمعني القوه.. Strength 
وتعني  Beauty of Strength 
وتعني جمال القوه
# . تم تعديل الاسم من الأوروبيون 
ل Calisthanics ويوجد لها العديد من المسابقات عالميا .
# هي رياضه تبني قوه ومرونه وتحمل و رشاقه . 
# ممكن تتمرنها في اي مكان لانها مش محتاجه ادوات 
# مميزاتها انك تستطيع القيام بحركات ومهارات تمكنك من التحكم بجسمك بحركات شديده الصعوبه والتوافق العقلي البدني
# تتميز انها Muscle Group Movement وتعني ان معظم التمارين تستطيع أن تمرن عده عضلات في نفس التمرين..
# في رياضه ال Calisthenics القوه تأتي اولا ثم تغير شكل الجسم ثانيا بمعني

#اولا المرحله الاولي ( Nerves System)
المرحله اللي بتكون في بدايه تمرينك 
اللي هي مرحله تقويه الاعصاب والمفاصل وحتكون عباره عن 
Motor Movement 
بمعني الحركات المركبه و دي اللي حتكون بتشتغل فيها كذا عضله من تمرين واحد في نفس الوقت زي مثلا حركه ال( Muscle up)
#ثانيا بتيجي المرحله التانيه و هي مرحله
ال Muscle)  System) 
وهي المرحله اللي فعلا بتتحقق لك الجسم الحقيقي 
ودي بتكون عن طريق ال
Progressive overload 
وهنا اداء التمرين بيزيد صعوبه عن اللي قبله 
مثال الضغط و يدي علي الحائط
ثم يليه ضغط علي صندوق
ثم يليه ضغط علي الارض
ثم يليه ضغط و رجلك علي الصندوق
ثم يليه ضغط و رجلك علي الحائط
ثم يليه ضغط علي يدك فقط 
( Handstand Push up)

#ال Calisthenics رياضه Functional Training يعني التدريب الوظيفي اللي بمعني اصح انك كل حاجه بتعملها في بيتك او شغلك من حركه بتتحسن لانك طول تمرينك شغال بجسمك كله طول الوقت... 
# تقدر تتعلم حاجات كتيير و حركات كتيير و متملش من التمرين  لان التمارين كتيير جدا وعلي حسب كل شخص وقدرته وكل ما تتطور في اللعبه حتتعلم اكتر. فبالتالي مش ممكن تمل من تكرار نفس طريقه التمرين 
# طب اي حد ممكن يتمرنها.... طبعا.... كل شخص علي حسب قدرته. لان الرياضه اصلا شغاله علي جسمك وقدرتك وتحاول انك توصل بيهم لاقصي حدودك. 
يمكن ممارستها مع أى رياضه في العالم . لانها تساعد كل الرياضات في التحكم في الجسم . 
تستخدم في كل الوحدات العسكريه وكل جيوش العالم يتبعون طريقه التمرين بوزن الجسم  
#طب ليه ابتدي ب Bodyweight  و مش حاجه تانيه الاول ... اولا مش مكلفه يعني مش حتحتاج جيم او اجهزه مكلفه عشان تتمرن .
وثانيا  حتحسن قدرتك لان بكل بساطه في ناس كتيير جدا بتدخل اي رياضه. وتكون في مشكله انه((مثلا)) مش قادر يلعب ضغط او بيعمله غلط او Squat ودي من الاخطاء اللي ممكن تسبب اصابات في العاب كتير لما تتمرن وانت مش قادر تعمل التمرين بجسمك اصلا. 
#من افضل مميزاتها انك بتحرق سعرات حرارية كتير خلال التمارين عشان شغاله Compound Movement فحتلاقي نفسك بتحرق دهون وانت بتتمرن
#طب ممكن العبها مع لعبه تانيه. طبعا... لان كل رياضات العالم و خصوصا الالعاب القتاليه شغاله علي ال Bodyweight عشان 
Strength and Conditioning 
بمعني القوه و التحمل العضلي.
اللي هو اصلا اساس رياضه ال Calisthenics 
في انماط في الرياضه و هما اربعه

* اولا Reps 
وهنا انك بتشتغل بتكرار كبير من الحركه بمعني اكتر من ٢٥ عده لاكتر حسب قدرتك وهنا الطريقه دي بتبني قوه تحمل او 
Stamina 
* ثانيا Weighted 
وهنا بستخدم وزن اضافي مع التمرين و الميزه من الطريقه هنا زياده القوه و الضخامه العضليه.. 
* ثالثا. Static 
و هنا انك بتشتغل علي حركات كلها ثبات لاطول فتره ممكنه و ميزه النمط ده انك بتقوي المفاصل و الاعصاب.. 
* رابعا Free style 
و هنا انك بتشتغل مجموعه من الحركات المركبه مع بعض و بتقوي الطاقه الانفجاريه بجسمك 
Explosive Power 
وتتميز بالسرعه والقوه

تمام.. حلو جدا الكلام ده ...كده شرح الرياضه بطريقه مبسطه و صدقني لنا بقولك اني سهلت لك الموضوع كتير.. 
انا ك/ سيد حسين.. و حقول كلمه بسيطه عن نفسي 
اولا انا عندي ٣٤ سنه و بتمرن من وانا عندي ٧ سنين 
يعني بتمرن من حوالي ٢٧ سنه 
طبعا اتمرنت حاجات مختلفه 
بس ال Calisthenics بقالي فيها من ٢٠٠٩ يعني ١٠ سنين 
و من اول الناس اللي اتمرنت و مرنت Calisthenics في اسكندريه و مصر. والحمد لله السمعه و المصدقيه ممتازه.. 
و قريت 81 كتاب في الرياضه. 😲.. اه والله تخيل و كلهم English .لان مفيش كتب عربي

ليه بقي بعرفك علي نفسي.. نيجي بقي للجزء التاني

# الجزء النفسي و الفكري : للناس المشككه في الرياضه

عندي كلمه بسيطه و استحملني شويه و افهم كلامي بمنطق العقل و الصدق 
ليه دائما بنقلل او بنستخف و نستهتر من اي شخص بيقول لك معلومه انك متقدرش تعمل جسم بتمارين وزن جسمك فقط.. 
و بذات لو شخص عربي 
لاني كذا مره تابعت و شفت بوستات و مقالات من ناس عرب واعرفها شخصيا بيتكلموا عن الرياضه و اول حاجه فعلا الشخص ده بيكتبها انه بيقول لو سمحت مش عايز تريقه من اي شخص علي كلامي 😟.. ليه..

🌸 ولو شفنا واحد اجنبي قال كده.. نصدقه و نعمل له تمثال 🤔

مع احترامي لكل واحد قال كده.. انت غلطان.. لانك لو مش قادر تعمل اللي الشخص ده عمله او بجد شفت التعب و المجهود في الرياضه دي من وقت و تغذيه و استمراريه ... اقسم بالله انت المفروض ترفع له القبعه ( زي ما بيقولوا) و تشجعه. او بمعني اصح.. تتعلم منه... لان هنا هي دي فكره الرياضه.. التحفيز و التشجيع.