التسويق الشخصى على السوشيال مديا

التسويق الشخصى

 التـســويـــق !!!

  طبعاً دى من أكثر الكلمات المنتشره الفتره الحاليه وكل تخيلنا عن التسويق هو شركه أو كيان كبير بيسوق لمنتجاته  ولكن فى مصطلح تانى فى التسويق وهو " التسو ق الشخصى" ,

 وفى المقال ده هنتكلم عن النقاط التاليه :-

- يعنى أيه علامه تجاريه ؟

- أهميه العلامه التجاريه الشخصيه ( التسويق الشخصى ).

- مفاهيم مغلوطه .

- أسأل نفسك ليه ...؟

- العميل المستهدف .

- تجهيز البورتفوليو.

- نصائح تهمك . 

 ويـــــــــلا بـــينــــــــا نـــــشوف أي الـــحكايــــــه ( زى ما بيقول بتاع أنمى ) 

1- يعنى أيه علامه تجاريه ؟

  فى تعريفات كثيره عن العلامه التجاريه (Brand) ولكن من أشهرها 

 Brand : هى مجموعه المشاعر والافكار اللى بتحضر على بالى لما أسمع أسم البرند أو حتى أشوف شكل اللوجو ,

  زى مثلاً لما تسمع كلمه ( أيفون ) علـــى طول بتتخيل لوجو التفاحه والمواصفات القويه والتصميم الجذاب والسعر المبالغ فيه ،

  والعلامه التجاريه الشخصيه (Personal Brand) هى نفس الفكره بالضبط بمعنى إن لما أذكر أسمك يكون عندى تصور لطبيعه شغلك وجوده إخراجه وسمعته.

2- أهميه العلامه التجاريه الشخصيه ( التسويق الشخصى ) 

    - فرص شغلك هتزيد .

- فى حد تانى بيدورلك على شغل لان هيكون عندك متابعين عارفين طبعه شغالك وأول ما تتوافر فرصه شغل قدام واحد         منهن هتكون أنت أول شخص يخطر على البال .

- أمان واستقرار مادى أكثر .

- هتعرف تعرض مهاراتك وشغلك.

3- مفاهيم مغلوطه .

  - أنا كدا ببيع نفسى !!!

  - متابعين كثير يعنى شغل كثير . 

  - حلم الثراء ، لان دخلك برضوا بيعتمد على طبيعه الشغل اللى بتشتغله فلو أقصى دخل من الشغل ده 10000 فمش هتقدر تزود عن كدا .

  -التسويق هيقييد حريتى ومش هعرف أنشر اللى على مزاجى .

4- أسأل نفسك ليه ...؟

  قبل ما تبدأ فى أى حاجه بتسأل نفسك ... هو أنا ليه هعمل كدا ؟ وكرر السؤال ده أكر من مره ، وده مهم خالص ، وكمثال تخيل معى دكتور عيز يعمل تسويق شخصى فنقوله ليه ؟ هيقول علشان ازود الدخل ، فنقوله ليه؟ فيقول علشان اعمل مشروع استثمارى بجانب العياده وده لان العياده بتعتمد على وجوده فلى حصله أى مشكله ومنعته م فتح العياده فكدا دخله هيوقف ، فنقوله ليه برضوا ؟ فنعرف إنه بيعمل كدا علشان أولاده ف عايز يأمن مستقبلهم .

5- العميل المستهدف .

 وفى المرحله دى بتذاكر العميل ،فهتحتاج تعرف عن العميل :

 - شخصيته .

 - مشاكله اللى بتنغص علليه نومه .

 - القدره الشرائيه للعميل . 

 - مكان تواجد العميل أو الجهه المستهدفه .

6- تجهيز البورتفوليو.

  بحيث تكون مجهز لنفسك :- 

- سابقه أعمال .

- معك feedback كويس من العملاء السابقين .

- عمل cv  بشكل صحيح إحترافى .

- عمل  profile إحترافى على Linkedin 

- عمل فديو عن السيره الذاتيه (cv) .

7- نصائح تهمك . 

 - تراعى الخوارزميه فى التطبيق أو الموقع اللى هتنشر عليه بوستاتك وفديوهاتك والشغل لان هى المسئوله عن الانتشار .

 - إعاده تدوير المحتوى ، بمعنى إن نفس المحتوى اللى أنت كنت عامله فى صوره مقاله كبيره ممكن تنشره تانى فى صوره فديوهات أو مقالات صغيره أو قصه أو مقوله أو ...

 - تكون أصيل ، يعنى متقلدش حد ومحاولش تكون أى حد غير نفسك ( مكى ).

وشكراً

    ( وفى النهايه ..... شكراً  ينفع )