الاعضاء الVIP
Al-Fattany Beauty Channel Vip حقق

$0.82

هذا الإسبوع
Ahmed Adel Vip Founder المستخدم أخفى الأرباح
محمود محمد Vip المستخدم أخفى الأرباح
Mohamed Mamdouh Vip حقق

$0.30

هذا الإسبوع
أكثر الأعضاء تحقيق للأرباح هذا الاسبوع
Mostafa Mohamed حقق

$21.05

هذا الإسبوع
Fox المستخدم أخفى الأرباح
ahmed hawary حقق

$7.25

هذا الإسبوع
Ahmed Adel Vip Founder المستخدم أخفى الأرباح
Youssef Shaaban المستخدم أخفى الأرباح
Hager Awaad حقق

$4.50

هذا الإسبوع
Ahmed حقق

$3.85

هذا الإسبوع
Mohamed Ahmed Sayed حقق

$2.94

هذا الإسبوع
osama hashem حقق

$2.76

هذا الإسبوع
Habibo311 حقق

$2.55

هذا الإسبوع
ازاى تهتمى بشعرك بطرق سليمه لشعر صحى

ازاى تهتمى بشعرك بطرق سليمه لشعر صحى

هنتعلم مع بعض ازاى نهتم بشعرنا من اول يوم فى الشهر لأخر يوم فى الشهر 

هنبدأ بغسل الشعر : 

غسل الشعر بيكون مره او مرتين بالكتير فى الاسبوع مش اكتر من كده عشان ميفقدش ترطيبه 

اول حاجه لازم تعرفى نوع شعرك ودلوقتي هقولك تعرفي نوع شعرك ازاى : 

1/ هاتى كوب ماء وحطى حبه بسيطه من شعرك واستنى خمس دقايق، الاختبار ده اسمه اختبار مساميه الشعر وده بنعملوا عشان نعرف الزيوت المناسبه لنوع شعرنا 

1- اذا كان الشعر اللى داخل المياه فوق سطح المياه ده معناه ان الشعر مساميته منخفضه، والزيوت المناسبه للشعر  ذو المساميه المنخفضه هم : (زيت الجوجوبا - زيت الارغان - زيت اللوز الحلو - زيت جوز الهند - زيت بذر العنب) 

2- اذا كان الشعر فى منتصف الماء كده مساميه الشعر تكون متوسطة والزيوت المناسبه للشعر ذو المساميه المتوسطه : (زيت السمسم - زيت الزيتون - زيت المورينجا - زيت اللوز الحلو - زيت الارغان) 

3-اذا كان الشعر اسفل الماء ده معناه ان الشعر مساميته عاليه وأنواع الزيوت المناسبه لنوع الشعر ذو المساميه العاليه : ( جل الصبار - زيت زبده الشيا - زيت بذر الكتان - زيت السمسم - زيت الخروع) 

 

اكيد دلوقتي كلكم بتسألوا يعني ايه مساميه الشعر دى اصلا؟ 

انا هقولكم يعني ايه 

اولا: مساميه الشعر المنخغضه : ودى معناها ان الشعر ده مش بيمتص الماء ولا المرطبات بانواعها بسهوله لكن بيحتفظ بيها لوقت طويل. 

ثانيا: مساميه الشعر المتوسطه : ودى معناها ان الشعر ده بيمتص المرطبات والماء بسهوله ويحتفظ بيها نص نص يعني مش لوقت طويل اوى. 

ثالثا: مساميه الشعر العاليه : ودى معناها ان الشعر ده بيمتص الماء والمرطبات لكن بصعوبه بس بيحتفظ بيها لوقت طويل. 

دلوقتي نقدر نتكلم عن حمام الزيت واهميته للشعر بكل انواعه : 

اتكلمنا فوق عن انواع الزيوت المناسبه لكل انواع الشعر وكل واحده على حسب نوع شعرها هتجيب الزيوت دى  وتخلطها بنسب معينه وتبدأ تعمل بيها حمام زيت لشعرها، وحمام الزيت بيتعمل قبل غسل الشعر مره واحده فى الاسبوع، اهميته ايه بقي، اهيمته انه بيغذى الشعر ويطريه 

طيب نعمل حمام الزيت ازاى؟ 

هتجيبي كميه مناسبه من خلطه الزيوت دى وتعمليلها حمام ماء سخن هتقوليلى ازاى هقول هاتى مياه سخنه ف طبق وحطى مثلا طبق الزيت فوق المياه السخنه خمس دقايق وبعدين تبدأى تحطى الزيت فى فروه شعرك مع التدليك لمده عشر او خمس دقايق وبعدين تلمى الشعر وتغطيه ب بونيه حرارى او بونيه عادى او حتى كيس بلاستك عادى  نضيف، وتسيبيه لمده من نص ساعه ل اقصى حاجه اربع ساعات اكتر من كده مش هينفع هيبقي مضر للشعر، وبعدين ندخل على الخطوه اللى بعد كده. 

2/ غسل الشعر 

غسل الشعر يكون ب ايه؟ وازاى؟ وكل قد ايه؟ ودرجه حراره المياه ايه؟ وكل حاجه عن غسل الشعر. 

1- نغسل شعرنا ب ايه؟؟ 

غسل الشعر بيكون ب شامبو على حسب نوع شعرك وفى انواع كتيره جدا منه، وكمان مهم البلسم وحمام الكريم للشعر وخصوصا الشعر الجاف. 

اولا : هتبلى شعرك مياه كويس والمياه تكون من فاتره ل دافيه مش سخنه لان المياه السخنه بتنشف الشعر والشعر محتاج للترطيب. 

ثانيا : هتحطى الكميه المناسبه من الشامبو على فروه شعرك بس مش على الاطراف عشان اللى هينزل من الشامبو على الاطراف  اثناء الشطف كافى للتنضيف، وتدلكى الشامبو على الفروه لمده دقيقتين وبعدين يتشطف، كررى العمليه دى مرتين بس عشان متسببيش الجفاف لشعرك. 

ثالثا : مرحله البلسم 

البلسم تجيبيه حسب نوع شعرك بردو 

بيتحط ازاى وفين؟ 

تاخدى كميه مناسبه على حسب طول شعرك وتحطيه من نص الشعر للاطراف بس متخطيش على فروه الشعر عشان بيسد المسام ويسببلك القشره، وبالمناسبة القشره ليها انواع شامبو كتير ولوسيون اختارى المناسب لنوع شعرك، استنى ربع ساعه بالبلسم وبعدين اشطفيه بمياه فاتره. 

رابعا : حمام الكريم للشعر.  

حمام الكريم بيتعمل مره وحده فى الاسبوع عشان يطرى الشعر الناشف 

بيستخدم ازاى؟ 

بتجيبي نوع حمام كريم مناسب لشعرك وزى البلسم بيتحط من النص للاطراف وتسيبيه ربع ساعه او نص ساعه كل م يقعد اكتر كل م شعرك يستفاد منه اكتر وتغطيه ببونيه حرارى او عادى  وبعدين تشطفيه بماء فاتر. 

 

خامسا : تنشيف الشعر. 

تنشيف الشعر يكون بالطبطبه مش بالفرك،. واحسن حاجه تنشفى بيها شعرك هى فوطه مايكرو فايبر او تيشيرت قطن. 

سادسا : تمشيط الشعر. 

تمشيط الشعر وهو مبلول احسن حاجه ليه يكون بمشط واسع ولتقليل الهيشان يكون المشط خشب مش بلاستيك ولو انتى بتستخدمى المشط البلاستيك جربي الخشب وهتحسي بالفرق فى شعرك، ويكون التمشيط من اسفل لاعلى يعني من تحت ونطلع لفوق بالمشط وحده وحده عشان الشعر ميمسكش فى بعضه ويتقطع فى التمشيط. 

سابعا : ترطيب الشعر. 

لترطيب الشعر ممكن تستخدمى خلطه الزيوت اللى عملتيها لحمام الزيت بس المره دة هتحطى على أطراف الشعر بس يعني بعيد عن الفروه لان الزيوت لو فضلت وقت طويل على فروه الشعر بتسد المسام وتسبب قشره ودى مشكله كبيره بالنسبه للشعر، وكمان ممكن تستخدمى سيرم حسب نوع شعرك ودى افضل حاجه للشعر. 

 

شويه نصايح لشعر صحى 

1/ سيبي شعرك مفرود شويه من اليوم عشان يتنفس. 

2/ قبل النوم اعملى شعرك صفيره عشان ميتقطعش. 

3/ نامى على مخده حرير او ساتان عشان القطن بيمتص الرطوبه من الشعر وبالتالي الشعر بينشف. 

4/ استخدمى التوكه الحرير او الساتان وانسي الاستك او القطن. 

5/اتعاملى مع شعرك بلطف كانه ابنك لانه مش بيحب العنف ابدا. 

6/ اشربي مياه كتير 3 لتر فى اليوم. 

7/ كترى من اكل الخضار. 

8/ قللى من استخدام السشوار او البيبي ليس ولو هتستخدميهم استخدمى واقى حراره على الشعر قبل الاستخدام. 

9/ لتجنب التقصف قصى اطراف شعرك مره كل شهر. 

10/ حبي نوع شعرك زى مهو ومتحاوليش تغيريه. 

وبكده اكون خلصت كلامي عن العنايه بالشعر يارب اكون وصلتلكم الفكره السليمه لطرق العنايه بالشعر عشان تحصلى على شعر صحى. 

التعليقات (3)
Merna F Samwel

2022-02-23 18:15:59

فعلا جربتها بس عايزه اعرف نوع بشرتى لو ف طريقه كمن توضح
Ali El Mkhtar

2022-08-21 15:55:08

يا اخوان بدنا نساعد بعض بدنا ندخل على مقالات بعض انا الي بيدخل على مقلاتي سوف اقوم بدخول على مقلاتة واعلق واكتب لة تعليق ومتابعة بدنا نساعد بعض رجائآ شدو الهمة شوية بدكو زيارات منه برا وانت هان قدرين اساعدو بعض الي بيدخل لمقالاتي اقسم بالله لدخل مقالتة يعني لو بدي ادخل فليوم الاف مرة
بدنا نساعد بعض يااخوان الزيارات من برة شبة مستحيلة
خلينا نساعد بعض من هان ادخلو على مقالتي وحطو متابعة وتعليقة والله لتابعكم وحط تعليق لكم
Ali El Mkhtar

2022-08-21 15:55:02

يا اخوان بدنا نساعد بعض بدنا ندخل على مقالات بعض انا الي بيدخل على مقلاتي سوف اقوم بدخول على مقلاتة واعلق واكتب لة تعليق ومتابعة بدنا نساعد بعض رجائآ شدو الهمة شوية بدكو زيارات منه برا وانت هان قدرين اساعدو بعض الي بيدخل لمقالاتي اقسم بالله لدخل مقالتة يعني لو بدي ادخل فليوم الاف مرة
بدنا نساعد بعض يااخوان الزيارات من برة شبة مستحيلة
خلينا نساعد بعض من هان ادخلو على مقالتي وحطو متابعة وتعليقة والله لتابعكم وحط تعليق لكم
الرجاء تسجيل الدخول لتتمكن من التعليق
مقال بواسطة

مسابقة شهر رمضان 2024 منصة اموالي

  • المركز الاول سيربح

    30$+عضوية Vip لمدة شهر

  • المركز الثاني سيربح

    20$+عضوية Vip لمدة شهر

  • المركز الثالث سيربح

    10$+عضوية pro لمدة شهر

ستنتهي المسابقة خلال : أسبوع من الآن

الأشخاص الذين حصلوا على أكبر عدد من النقاط في المنافسة حتي الان

كريمة

عدد النقاط : 2041 نقطة

Al-Fattany Beauty Channel

عدد النقاط : 1290 نقطة

Mostafa Mohamed

عدد النقاط : 1089 نقطة

Mohamed Mamdouh

عدد النقاط : 948 نقطة

Faith

عدد النقاط : 917 نقطة

مقالات مشابة
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.